Om oss

Pinnakjøt-skisse

"Det skal meir enn eit fagbrev til for å laga god spekemat! Spekemat er resultatet av ein modningsprosess som på mange måtar kan samanliknast med vinproduksjon. Oppskrifter og metodar går i arv og er viderutvikla gjennom generasjonar. Det er trente auge som ser, fintrimma naser som luktar, følsomme hender som kjenner og kresne ganar som smakar seg til eit førsteklasses resultat."

Sitat Johan Lundal, fjerde generasjon pølsemakar i Johs. Lundal & Sønner AS

Spekehuset.no - Åkrafjordtunet sin nettbutikk
Spekehuset.no er ein nettbutikk som hovedsakleg sel tradisjonsrik og førsteklasses kjøttmat frå Lundal i Åkrafjorden. Me starta opp vår første generasjon nettbutikk heilt tilbake til 1999. Så netthandel er noko som me har god erfaring med og som me veit kunder rundt om i det vidstrakte landet vårt set pris på. 

Ettersom....   Johs. Lundal & Sønner er ein produksjonsbedrift og berre sel engros, har nettbutikken saman med Åkrafjordtunet til oppgåva og "bringa" varene frå Lundal ut til matglade privatpersonar som ynskjer noko ekstra. Som dykk truleg veit er det vanskeleg for små produksjonsbedrifter å få innpass i daglegvarekjedane. Me ser likevel ei bedring men det er langt igjen. For vår del ser me berre større og større moglegheitar gjennom direkte salg til deg gjennom vår nettbutikk.

Med kunder frå Karasjokk i Nord til Lindesnes i sør....  Spekehuset har nå over 1500 registrerte kunder frå heila landet. Det seier seg sjølv at det ikkje er lett for ein liten bedrift å gjera tilbudet kjent. Den beste markedsføringa ein kan få er at våre kundar er så fornøyde med både nettbutikken og produkta et dei tipsar familie, venner, arbeidskollegaer osv om spekehuset.no. Me vil at det skal lønna seg å klikke inn i vår nettbutikk eller ta turen innom Åkrafjordtunet når ein fer forbi.

 

Håpar eg treff deg på nett eller i butikk:-)  

 

Med venleg helsing

John Karsten Hustveit

Dagleg leiar

Din nettleser er utdatert!

For å kunne bruke alle funksjoner på nettsiden må du oppdatere nettleseren. Oppdater min nettleser nå

×